Serdozgerê Komere yê Mehkemeya Berze Bekîr Şahînî çarçewa dewaya qefilnayîşê HDPyî de fîkrê xo yê derheqê esasî teqdîmê Mehkemeya Qanûnê Bingeyî (AYM) kerd û waşt wa HDP bêro qefilnayene.

Bekîr Şahînî fîkrê xo yê îdîanemyî û waştişê xo yê qefilnayîşê HDPyî newe ra ardî ziwan vat wa HDP temelî bêro qefilnayene. Şahînî bi eşkerayîya nuştekîye da zanayene ke înan fîkrê xo yê derheqê esasî yo ke yeno vatene ke wa sîyasetmedarê HDPyî heta 5 serran  meeşkê bibê ronayox, îdarekar, berpirsîyar û endamê partîyêka bîne, teqdîmê Mehkemeya Qanûnê Bîngehî kerd.

Naye ser o do HDP zî derheqê esasî de pawitişê xo amade bikero. Proses do bi pawitişanê ver bi yewbînan dewam bikero. Dima ra 15 kesan ra heyetêkê Mehkemeya Qanûnê Bingeyî do gerar bigîro.