Mehmet Doymazo PKKgîro ke emrê xo na Têkoşînê Azadîye yê Kurdîstanî ser şaristanê Luzernî yê Swîsre de şehîd bi.

Doymazî wextêkî ra nata tedawîya kanserî bîyêne û 28ê teşrîna peyêne de 61 serrîya xo de nêweşxane de şi rehm. Doymazî rê 29ê teşrîna peyêne de merasîmêk ame kerdene û dima cenaza erşawîyaye Semsûrî. Dezgehê kurdan ê Swîsre, KOMAW, endamê têgêrayîşê cinîyan û ciwanan û xeylêk merdimî tewrê merasîmî bîyî.Merasîm de nameyê Merkezê Komelê Kurdan ê Swîsre ser o Îsmaîl Kardaşî qisey kerd û da zanayene ke Doymazî ked û bedelê giranî dayî têkoşînê azadîye.

Doymaz vizêr dewa Akçali ya Semsûrî de ame definkerdene. Wekîl û îdarekaranê HDPyî ya pîya xeylêk kesî tewrê merasîmî bîyî. Qiseykerdişan de ame vatene ke hemrayê şehîdan do waştişanê înan bîyarê ca.

Mehmet Doymaz 1961 de dewa Akçali ya Semsûrî de dadîya ra bîyo û 17 serrîya xo de tewrê têgêrayîşê Apogîran bi. O wextê Darbeya 12ê Êlule de bi serran zîndan de mend û 2000 de zîndanî ra vejîya. Doymaz 2002 de Ewropa de bi aktîfî tewrê xebatan bi û binê sîwana Heyva Sore de xebitîya.