Çarçeweya operaysonê qirkerdişê sîyasîyî de îdarekarê HDP û EMEP’î zî te Meletî, Bûrsa û Stenbol de xeylî kesî ameyî destbendkerdene.

Meletî de Hemserekê  Partîya Şaran a Demokratîke (HDP) yê qeza Arganî Sezgîn Yaylagul û Serekê Partîya Emegî ( EMEP) ê Bajarî Kemal Gultekîn û îdarekarê partîye Behan Balî ameyî destbendkerdene.

Bûrsa de zî xeylî kesî rîyê parekerdişê medaya sosyale ra ameyî destbendkerdene. Êyê ke nameyî înan ameyî eşkerakerdene wina yê: Endamê Koma Aştîxwazî Hunermendo Kurd Savaş Gorer, Ozgenç Karakaş, Hulya Antile, Dîyar Işik, Hîkmet Şengul, Mehmet Reşat Babat.

Stenbol de zî sereştişê polîsan de xeylî kesî ameyî destbendkerdene la detayê sereştişan nêameyî girewtene.