16ê adara 1988î de rejîmê Baasî sey parçeyêkê hêrişanê qirkerdişê kurdan bi gazanê kîmyewîyan Helebçe dabi bombayan ver û tewr tay 5 hezar kesî qetil kerdibî. Qirkerdiş de bi hezaran kesî birîndar bîyî û vinî bibî. Tesîrê hêrişê kîmyewîy hema zî dewam keno.

Sere de Helebçe çar hetanê Kurdîstanî û dinya de merasîmê yadkerdişê şehîdanê Helebçe yenê kerdene.

Serrgêra 37ine ya Qirkerdişê Helebçe de merasîmanê yadkerdişî bi rayraşîyayîşêkî Helebçe de dest pêkerd.

Merasîmê emserî do hîrê rojan dewam bikerê. Çarçewa nê merasîman de mesajê sîyasîyî do bêrê dayene, panel û semînerî do bêrê kerdene.