Emîne Şenyaşar û Ferît Şenyaşar roja 252. de verê Edlîyeya Riha de nobeta xo ya çalakîye rê dewam kenê.

Endamanê Komeleya Hetkarîya bi Keyeyanê Tepişteyan û Hukmwerdeyan (TUHAY-DER) a Wanî nobeta keyeyî zîyaret kerd.

Emîne Şenyaşar zîyaret de ard ziwan ke a nêeşkena lajê xo yê tepişteyî bivîna û vat: ''No wijdan o. Dejê mi qet nêkêmîyeno.''

Maya Haştîye û merdima tepişteyan Emîne Kaya vat: ''Ma edaletî wazenê. 252 rojî yo dadîyêke edalet wazena. Domanê ma zîndan de yê. Ma înan rê edalet wazenê.''

Sereka TUHAY-DERî ya Wanî Kudrete Temel vat: ''Bi hezaran tepişteyî zîndanan de yê. Edaleto ke na dadîye wazena ma zî wazenê. Wa waştişê dadîyan rê cewab bêro dayene.''

Maya Haştîye û merdima tepişteyan Aslihane Tîmur vat: ''Ma semedê edaletî tîya de yê. Lajê na dadîye 3 serrî û 5 mengî yo hucreyê yewkesî de yo.Wa pêro tepişteyê sîyasîyî bêrê veradayene.''