Merdimanê tepişteyanê nêweşan û tepişteyanê ke înfazê înan ameyo vêşnayene roja 350. ya Nobeta Edaletî de verê Zîndanê Amedî de eşkerayîyêke daye. TUAY-DER, MEBYA-DER, MED-DER, HDP û DBPyî zî paştî daye çalakîye.

Çalakîye de nameyê merdimanê tepişteyan ser o Herdeme Merwanî qisey kerd û ard ziwan ke înan seba rewşa tepişteyanê nêweşan çend reyî venga partîyanê sîyasîyan dabi la partîyan çîyêk nêkerdo. Herdeme Merwanî vat: ''Ma şîyî Meclîsî û partîyan de qisey kerd. Înan seba ke ma bixapînê reyêk babete viste rojdemî. Ma wazenê wa tepişteyê nêweşî vera bidîyê. Ma venga partîyanê sîyasîyan danê ke wa paştî bidê ma.''

Çalakîya merdimanê tepişteyan pê sloganan qedîyaye.