Merdimanê tepişteyanê nêweşan û tepişteyanê ke înfazê înan ameyo vêşnayene, 322 rojî yo Nobeta Edaletî gênê. Keyeyê tepişteyan verê Zîndanê Amedî de ameyî yewca. MED-TUHAD-FED, TUAY-DER, MEBYA-DER û MED-DERî zî paştî daye çalakîye.

Merdimanê tepişteyan ra Herdeme Mervanî çalakîye de qisey kerd û vat: ''Ma bi heman waştişan xo ver danê û tîya de yê. Ma waştişanê xo dibare kenê, no hewte seba ma zaf girîng o. Destê kamî ra çi yeno wa bikero. Ganî partîyê sîyasîyî cewabêkê zelalî bidê ma. Çunke rewşa tepişteyanê nêweşan vera bena giranêr. Mesuldarê na rewşe Meclîs, terefê sîyasîy û Wezîrîya Edaletî yê.''