Seatanê serê sibayî de polîsanê tirkî qezayanê Qoser û Şemrexî yê Mêrdînî de bi hewayêkê  hemwextî eşt xeylêk keyeyan ser. Operasyonê qirkerdişê sîyasyî yo ke hetê Serdozgerîya Komare ya Mêrdînî ra ame kerdene de xeylêk kesî ameyî destbendkerdene.

Mele Fahrî Dogan, Dayîke Haştîye Hevlete Oncu, Hunermendê Komaleya Kultur û Hunerî ya Mezopotamya Kudret Uçuk, Abdullah Ayav,melimo îxraçkerde Hamît Gungor, endamo verên ê  Meclîsê Şaredarîya HDPyî ya Şemrexî Fadil Karçi zî tede xeylêk kesî ameyî destbendkerdene. Sereştişan de keyeyî ameyî serûbinkerdene û bêrî ameyî şiknayene.