Bi wesîleya serrgêra 41. a Qirkerdişê Mereşî de taxa Yorukselîmî ya Mereşî de rayraşîyayîşêk ame viraştene. Elewîyan bi slogana ‘Qetilkarî do hesab bidê şarî‘ qirkerdiş şermezar kerd.

Elewîyanê ke barîkatê polîsan şirkit û rayraşîyayîş viraşt verê Cemxaneyê Erenlerî de ameyî pêser. Cemxane de do êyê ke Qirkerdişê Mereşî de ameyî qetilkerdene bêrê vîrardene. Teber û zereyê welatî ra xeylî temsîlkarê dezgehanê elewîyan zî Cemxaneyê Erenlerî de yê. Tîya do derheqê qirkerdişî de qiseykerdişî bêrê kerdene û eşkerayîyî bêrê dayene.