AKP roja ke bi îqtîdar, a roje ra nata hêrişê destkewteyanê kurdan keno. Rejîmê AKPyî heta  nika bi des hezaran kurdî destbend kerdî û hêrişê tewr giranî zî şerê îqtîdarî yê 15ê temmuze ra dima dîyayî destpêkerdene.

AKPyî qîmê xo bi polîtîkayanê qirkerdişî nêkerd. AKPyî şerê vera 'FETO'yî xo rê sey firsendî dî û hêrişê dezgehanê kurdan kerd. Bi seyan dezgehî bi KHKyan ameyî qefilnayene û bi hezaran kesî kurdî ra ameyî vetene. 

Prosesê Rewşa Îstîsnayîye yo ke 15ê temmuze ra dima dest pêkerdbi, dezgehê kurdan ameyî qefilnayene. Nê prosesî de hezar û 607 komeleyî û 168 weqfî ameyî qefilnayene ke zafê nînan yê kurdan bîyê. Zafê ci ê kurdan 200 sazgehî zî ameyî qefilnayene.

Nê dezgeh û sazgehan ra tayê ci wina yê:

Komeleya Çandê ya Med

Atolyeya Hunerê ya Seyr-î Mesel a şanoya Kurdî

KURDÎ-DER

Navenda Çanda Mezopotamyayê

Navenda Çandê ya Dîcle Firatê

Komeleya Nivîskarên Kurd

Komeleya Çand û Hunerê y Pale

Ajansa Nûçeyan a Dîcleyê

Ajansa Nûçeyan a Jinê

Enstîtuya Kurd a Stenbolê

Dibistana Seretayî ya Ferzad Kemanger

Dibistana Seretayî ya Dayika Uveyş

Rojnameya Ozgur Gundemê

Azadiya Welat

Denge TV

Jiyan TV

Van TV

Zarok TV

Gelek radyoyên Kurdî

Rojeva Medya

Rojnameya Şûjin

Dîhaber

Wextê îqtîdarê AKPyî de hêrişê nîjadperestî zî zêdîyayî. AKPyo ke dişmenîya vera kurdan ferz keno, îqtîdarê ci de waran de hêrişê vera kurdan û erjanê kulturelan zêdîyayî.

Mabênê 2010-2020î de goreyê doneyanê Komeleya Heqanê Merdiman 280 hêrişê nîjadperestî ameyî kerdene. Se ra 90ê nînan hêrişê vera kurdan bîyî. Nê hêrişanê nîjadperestan de 15 kesî ameyî qetilkerdene, hezar û 97 kesî birîndar bîyî. Mîyanê 22 serran de hêrişê merdimanê ke bi kurdkî qisey kerdêne, deyîrî vatêne yan zî muzîkê kurdkî goşdarî kerdêne zêdîyayî. Xîret ame kerdene ke vera kurdan mekanîzmayêka hêrişî ya nîjadpereste wa bêra awankerdene.

30ê temmuza 2021î de Konya de vera keyeyê Dedeogullariyî hêrişo nîjadperest ame kerdene. Prosesê muhakemekerdişê kiştoxan mojna ke îqtîdar vera kurdan wayîrê polîtîkayêna winayêne yo.

Wextê îqtîdarê AKPyî de xeylê kesî bi bahaneya ke bi kurdkî qisey kenê, deyîrî vanê yan zî muzîkê kurdkî goşdarî kenê bîyî hedefê hêrişan.