Xebera Steve Sweeneyî de derheqê çalakîya ewroyêne ya Kurdan, Îngilizan û Tirkan a Londonî de hayîdar ame parekerdene û sucê verba merdimîye yê ke Erdoganî û çeteyanê ci kerdî, ameyî vîrvistene.

Sweeneyî xebera xo de  vînayîşê îdarekarê Gîk-Derî û rojnamegere Zehra Dogane pare kerdî û bale ante sere vengdayîşê “wurzê payan ser”ê verba îşxalkarîye û qirkerdişanê ke dewleta Tirkî mabênê serranê 2015-2016 de Vakurê Kurdistanî de kerdî û va:'' Her çiwas îdîayê Erdoganî yê seba ‘sazkerdişê herêma biasayîşe’ estî zî, Erdogan nêeşkayo xo çeteyanê Îslamî ra azad bikero ke eleqeyê ci bî nê çeteyan esto. Dokumentê derheqê bazirganîya petrolî yê mabênê Erdoganî û keyeyê ey û DAÎŞ’î de serra 2015 de ameye eşkerakerdene.

Sweeneyî bale ante sere îdîayanê perwerde û peydakerdişê çekan seba DAÎŞ’î û va: ''Tirkîya sucê giranî yê şerî, îşkence, kiştişî bi hewayêkê barbarî kerdî ke kiştişê îdarekara Pratîya Amayoxî ya Sûrîye Hevrîn Xelefe zî mîsalê nê yo.''

Nuştoxê The Motnîng Starî bi hewayêkê pîtî ard vere çiman ke dewleta Tirkî ya îşxalkare pê teyarayanê şerî çekanê kîmyewî xebitnena û destpêkê şerî ra nata 218 sivîlî ameyî kiştene û 18’ê înan zî doman bîyî û vat beno ke hêrişê Tirkîya pê adirbirnayîşî nêqedîyê û goreyê xeberanê ke hêzanê YPJ’yî ra yenê, çeteyi qiseykerdişanê yê bi cihazan de vanê ke “Hêriş do nêqedîyo”.