Çarçeweya cipersayîşê Serdozgerîya Komere ya Amedî de 8ê hezîrane de 20ê înan rojnamegerî 21 kesê ke sereştişê keyeyan û cayê karê înan de ameybî destbendkerdene mudetê nezaratê înan çar rojêna ame dergkerdene

Hemserekê Komeleya Rojnamegeran a Dîcle Firatî (DFG) Serdar Altan, Mudira Xeberan a Jinnewsî Safîye Alagaş, Edîtora Jinnewsî Gulşene Koçuk , Edîtorê Ajansê Mezopotamya (MA) Aziz Oruç, Mudirê Karanê Nuştişî yê Rojnameyê Xwebûnî Mehmet Alî Ertaş û rojnamger Omer Çelîk zî tede 20ê înan rojnamegerî 21 kesî semedê dergkerdişê mudetê nezaretî vizêr ardîyayî Edlîyeya Amedî. Rojnamegerî tîya xeylêk wext kelemçekerde mendî. Badê nêrzîbîyayîşê rojnamegeran kelemçeyî ameyî vatene. Mudetê nezaratê rojnameran çar rojêna ame dergkerdene.