Avûkatanê Rayberê Şarê Kurdî Abdullah Ocalanî Razîye Turgut, Rezan Sarica, Serbay Koklu û Îbrahîm Bîlmezî vizêr  seba ke roja îne muwekîlê xo reyde pêvînayîş bikerê muracatê Serdozgerîya Komare ya Bursa kerdbi.

Muracatê avûkatan bi bahaneya qedexeyê pêvînayîşî yê 6 mengan ame redkerdene.

Dozgerîya Înfazî ya 2. ya Bursa 23ê êlule de Ocalan û 3 tepişteyanê bînan rê qedexeyê pêvînayîşî yê 6 mengan da. 'Xerîteya Rayîrî' ya Ocalanî ya ke 2009 de erşawitbi Mehkemeya Heqanê Merdiman a Ewropa (MHME) sey bahaneya qedexeyî ameye pêşkêşkerdene.

Tewr peyêne Rezan Sarica û Newroz Uysal 8 serran da dima 2-22ê gulane, 12-18ê hezîrane û 7ê tebaxa 2019î de muwekîlê xo Şarê Kurdî Abdullah Ocalanî reyde pêvînayîş kerdbi.