Têgêrayîşê 'Bozkurtî' yo ke hêzo paramîlîter û nîjadperest ê dewleta tirke yo, tewrê serebûtanê şîdetî beno û vera yahûdî, armenî û kurdanê Tirkîya cîyakerîye keno.

Dima ke têgêrayîşê Bozkurtî hêrişê kurdan û armenanê Fransa kerd  hukmatê Fransa têgêrayîş qedexe kerd.

Almanya de zî bi taybetî Partîya Çepe partîyê muxalefetî seba heman qedexeyî têgêrenê. Serranê peyênan de Partîya Keskan zî heman çi waştbi. Partîya Keskan seba qedexekerdişê Bozkurtî muracat kerd.

Wekîlanê federalan Cem Ozdemîr, Irene Mihalic û Konstantin von Notz RNDyî rê qisey kerd û îfade kerd ke ganî hukmatê Almanya no têgêrayîşê Bozkurtî qedexe bikero.

Wekîlan no têgêrayîş sey Almanya de baskê dergî yê Erdoganî pênase kerd. Wekîlan Angela Merkele ra waşt ke vera na rêxistine cade têbigêra.

Têgêrayîşê Bozkurtî Almanya de binê sîwana Federasyonê Komeleyan ê Tirkan ê Neteweperestan ê Demokratîkan ê Almanya (ADUTDF) de xo rêxistin keno û goreyê texmînan 7 hezar endamê ci esto.