Naci Gorur: Ma semedê Kanîreş û Çewlîgî qesawet kenê
Naci Gorurî vat: ''Seba ke wird fayanê erdlerzî qismo zêd ê enerjîyê xo kerde veng, çend seserranê verê ma de erdlerzê girdî nêpawîyenê la ma semedê Kanîreş û Çewlîgî qesawet kenê.''
Jeolog Prof. Dr. Naci Gorurî derheqê erdlerzî de eşkerayîyê muhîmî kerdî. Gorurî vat: ''Ma tewr zaf semedê mabênê Kanîreş Çewlîgî qesawet kenê.''
Gorurî vat: ''Tirkîya de tewr zaf di xetê fayî yê Anatolîyaya Vakure û Anatolîyaya Rojhelate erdlerzî afernenê. Nê wird xetanê fayî enerjîya xoya zaf kerde veng. Ez reya verêne vana. Wa pêro Tirkîya bieşnawo. Seba ke nê fayan enerjîya xo kerde veng, çend seserrî verê ma de Tirkîya erdlezro gird nêpawiyeno. Tewr tay nê wird fayan ser o nêbeno.
Nika şansê welatî est o ke semedê erdlerzan amadekarîya xo bikero. Ganî Wezîrîya Afetî bêro ronayene.''
Naci Gorurî vat: ''Ma tewr zaf semedê mabênê Kanîreş Çewlîgî qesawet kenê. Ûca tewr peynî de 1766 de erdlerz bi.''
Gorurî vat: ''Heme cigêrayîşê zanîstî mojenenê ke erdlerzê Îstanbulî nêzdî bîyo. Ma semedê Îstanbulî erdlerzê bi girdîya 7.5 pawenê. Erdlerzê Îstanbulî dahîna qij bo zî, xesarê ci do Mereşî ra zafêr bo. Hatay û Adana de dahîna bîyî hesas.
