Endama Merkezê Cigêrayîşî yê Jîneolojî Nagîhane Akarsela ke bajarê Silêmanî yê Başûrê Kurdîstanî de 4ê teşrîna verêne de hetê dewleta tirke ra ameye qetilkerdene pê slogananê “Jin, jiyan, azadî” ameye definkerdene.

Cenazaya Akarsele badê karanê otopsî  ameye berdene dewa Xelîkanî ya qezaya Cihanbeylî ya Konya. Cenaza pê tîlîlîyanê cinîyan ameye verwazîkerdene û serê doşê cinîyan de ameye berdene mezalanê dewe.

Leşkeranê tirkan kerd ke fotografanê Akersele wedarê la cinîyan destûr nêda û pê fotografan rayra şîyî. Rayraşîyayîşê ver bi mezelan de dovîzê “Jin, jiyan, azadî” ameyî kiriştene û sloganê ci ameyî eştene. Badê rayraşîyayîşî  Vervatoxa Meclîsê Cinîyan ê HDPyî Ayşe Acar Başaran qisey kerd. Başarane vat: ''Beno ke ê Nagîhane qetil bikerê la ma pêro Nagîhane. Ma sey hemrayanê Nagîhane do mîrasê ameyî dewr bigêrê û heta peynî têkoşînê ci bidomnê.

 Rixmê ablûqa û astengkerdişê leşkeran wecîbeyê dînî yê cenaza ameye caardene û pê sloganan ameye definkerdene. Cinîyan serê mezelê Akarsele de vilîkî û şala more nayî ro dima ra ravêrtî keyeyê aye.''

Keyeyê Nagîhane Akersel semedê kênaya xo keye de tehzîye naye ro.