Sekretera Pêroyîye ya Partîya BastA Fransizka Stitera ke paştî dana kampanyaya vera qedexeyê serê PKKyî.  Fransizka Stiter derheqê babete de ANFyî rê qisey kerd.

Fransizka Stitera ke mîyanê Delegasyonê Haştîye de şibî Başûrê Kurdîstanî, ard ziwan ke PKK bi serran o seba haştîye û demokrasî keno. Fransizka Stiter vat: ''Tirkîya verê çimanê pêro dinya de vera kurdan sûcanê şerî kena. Dewletê Ewropa peymananê çek û bazirganîye yê bi Tirkîya ra PKK mîyanê na lîste de verdenê. Na birêka şaş û neheq a. Mi vera na neheqîye paştî daye kampanya.''

Fransizka Stiter vist vîrî ke par wexto ke heyetê înan şîyêne Başûr Almanya heyet asteng kerdbi û dezgehê kurdan yenê krîmînalîzkerdene. Fransizka Stiter vat: ''Michel Brandt, Wekîlê Partîya Çepgîre û Endamê Konseya Ewropa fotografê çalakîya 2019 ya strabourgî hesabê xo yê medyaya dîjîtale de pare kerd. Ala û posterê qedexeyî yê ke fotograf de bîyî ameyî bahanekerdene û Brandtî rê cezaya pereyî ameye dayene. Paştdayîşê bi kurdan bi nê hawayî yeno qedexekerdene. Na ceza dewleta tirke rê xelatêk a.''

Fransizka Stiter da zanayene ke Tirkîya hêrişanê qirkeran rê dewam kena, huqûqê mîyanneteweyî binpay kena. Fransizka Stiter vat: ''PKK vera nê qirkerdişî têkoşîn keno. No têkoşîn meşrû yo. Nê hetî ra PKK mîyanê pênaseyê terorîzmî yê Yewîya Ewropa de ganî ca megêro.''