Kombîyayîşê Meclîsê Pêroyî yo 3. yê HDKyî 13-14ê teşrîna peyêne de Îstanbul de amebi kerdene.

Netîcenameyê kombîyayîşî de wina ame vatene: ''Krîzê ekonomîkî ra Tirkîya de xizanîye û vêşanîye zêdîyayî. Îqtîdar na babete de nêeşkeno çareserîyêke pêşkêş bikero û cara waştişêkê ci yo winasên çin o. Erdogan wazeno pê şerî payan ser o vindero. Coka keno ke Sûrîye de zêdêr cayî îşxal bikero. Îqtîdar Hêzanê Sûrîyeya Demokratîke (QSD) verê ney de sey astengî vîneno.

Îdîayê cidîyî estê û vanê ke dewleta tirke çeka kîmyewîye şuxilnena. Bêhuqûqîyê winsênî zîndanan de qewimîyenê. Îqtîdar krîzê ekonomîkî ra sebeb do weçînayîş de bin bikewo. Bingeyê Îtîfaqê Cumhurî û Îtîfaqê Miletî yewbînan ra cîya nîyê. Weçînayîşê verwextî yê muxtemelî ra verî zaf girîng o ke îtîfaqê rayîrê hîrêyînî asta herêmîye de bêro birêxistinkerdene. Ganî no îtîfaq asta herêmî û komelkîye de semedê yewîye têkoşîn bêro xurtkerdene.''

HDKyî peynîya eşkerayîye de Seyîd Riza û embazê ci serrgêra 84. ya îdamanê înan de yad kerdî.