Îstanbul de Meydanê Yenîkapiyî de, serkêşîya HDKyî de şayîya Newroze bi şîarê ‘Semedê azadîye, Komelê Demokratîkî’ dest pêkerd. Meydan bi flama, alê DEM Partî û fotografan xemilîya.

Girseyî kontrolan ra dima dekewtî meydanî. Meydan de pankarta ‘Ma paştî danê vengdayîşê seba Haştîye û Komelê Demokratîkî’ daliqîyaye û sloganê sey ‘’Bijî Serok Apo”, “Bê Serok Jiyan Nab e”, “Jin, jiyan, azadî” û “Bijî Newroz” ameyî vatene.

Hemserekanê DEM Partî yê Îstanbulî girseyî selam kerdî. Hemsereke Arîfe Çinar pare kerd ke ê paştî danê vengdayîşê Rayber Apoyî. Hemserek Çinar Altanî zî vat ke şarê kurdî bi Newroze cewab dano yar û neyaran.

Şayîye de vilaweka Hêzanê Kede, Demokrasî û Haştîye ame wendene. Vilaweke de wina ame vatene: ‘’Newroze roja xoverdayîş û serewedaritişî ya. Ma ewro bi ruhê azadîye pîya govende bigêrê.’’