Mersîn de warê Tirmilî de bi şîarê 'Wext wextê serkewtişî yo' Newroze ameye fîrazkerdene.

Cinî û ciwanî pê kincanê herêmîyan tewrê Newroze bîyî. Sere de Mayê Haştîye, Hêzê Kede û Demokrasî, Wekîlê HDPyî yê Mersînî Fatma Kurtulan û Ridvan Turan, sîyasetmedar Sirri Sakik xeylêk temsîlkar û îdarekarê dezgeh, rêxistin û partîyan tewrê şayîye bîyî. Girseyî şayîye de bêmabên sloganê 'Biciwîyo Serek Apo', 'Biciwîyo PKK', 'Rayber Apoyî rê azadîye' vatî.

Wekîla HDPyî Fatma Kurtulan şayîye de pare kerd ke Ocalanî Newroza 2013î de deklarasyon û rayîrê haştîye eşkera kerdbi. Kurtulan vat: ''Ma do rayîrê hîrêyînî de têkoşîn bikerê û haştîye bîyarê nê welatî.''

Qiseykerdişan ra dima hunermendî Talat Yeşîl, Azad Bedran û Mehmet Aykut vejîyayî sehne ser û girseyî pê deyîranê înan govende girewte.