'Nezarat de dermanê nêwaşa kanserî Saadete Firat nêdîyayî ci'
Wekîlê HDPyî yê Çewlîgî Erdal Aydemirî meclîs de bale ante rewşa nêwaşa kanserî Saadete Firatî ser. Aydemîrî vat nezarat de dermanê Firate nêdîyayî ci û rewşa ci ya peyêne persa.
Wekîlê HDPyî yê Çewlîgî Erdal Aydemîrî bi vernîyazêkî Wezîrê Edalatî Bekîr Bozdagî ra rewşa nêweşa kanserî Saadete Firata ke çend rojî verî ameye tepiştene persa.
Aydemîrî vat: ''Hemsereka verêne ya HDPyî ya Çewlîgî Saadete Firat rojanê ravêteyan de sereştişê keyeyê ci ameye destbendkerdene û dima ra ameye tepiştene. Saadete Firat seba ke nêweşa kaserî ya sîyaseto aktîf caverdabi û tedawiya kemoterapî dîyêne. Goreyê zanayene ke kewtê destê ma wextê nezaratî de destûr nêdîyo ke a dermanê xo bîgêro. Saadete Firat seba ke tepişîyaya tedawîya ci nîmcet mende. Derheqê rewşa weşîye ya Saadete Firat de şikê ma est ê. Semedê dewamkerdişê tedawîya ci ganî gamê ke hewce kenê cade bêrê eştene.
Na çarçewe de;
Hayîya şima rewşa weşîye ya Saadete Firat est a, şewşa aye nika senîn a?
Qey dermenê Saadete Firat nêdîyayî ci û şima do nê semedî ra cipersayîşêk bidê destpêkerdene?
Semedê dewamkerdişê tedawîya Saadete Firat şima do çîyêke bikerê?''
