Nezaret de muameleyê xirabî û kelemçeyê çepkîyî
Îstanbul de çalakîya vera edlîye ra dima heta nika 93 kesî ameyî destbendkerdene. Ame parekerdene ke destbendkerdeyî nezaret de raştê muameleyê xirabî ameyê û pey ra ameyî kelemçekerdene.
6ê sibate de vera Edlîyeya Îstanbulî çalakîya çekdare amebî kerdene. Çalakîye de sivîlêke û di çalakîkeran dinyaya xo bedilnabî.
Bi bahaneya çalakîye heta nika endamê Buroyê Huqûqî yê Şarî, TAYAD û PSAKDyî zî tede 93 kesî ameyî destbendkerdene.
Avûkatî qedexeyê pêvînayîşî yê 24 saetan ra dima eşkeyî muwekîlanê xo yê destbendkerdeyan bivînê. Avûkatan da zanayene ke destbendkerdeyî nezaret de muameleyê xirabî dîyê û wextê kontrolê weşîye de pey ra ameyê kelemçekerdene.
Wina pawîyeno ke ewro destbendkerdeyî do îfade bidê.
