Nobeta Azadîye ya ka semedê azadîya fîzîkîye ya Raybarê Şarê Kurdî Abdullah Ocalanî 25ê hezîran a 2012yî de bajarê Strasbourgî yê Fransa de ameye destpêkerdene hewteyê 497. de ya.

Çalakîya ke verê dezgehanê Ewropa de yena kerdene û her hewte hetê grûbêke ra yena raraberdene no hewte hetê Komîteya Tekîlîyanê Teberî yê KCDK-E  ra ameye dewrgirewtene. Grûbe de Asmîne Engin, Turan Aydin, Dennis Storz û Eren Çelik ca genê.

Asmîne Engîna ke bi nameyê grûbe qisey kerd bale ante tecrîdê 24 serran ê serê Rayberê Şarê Kurdî Abdullah Ocalanî ser û vat: ''Roja verêne ya komployê mîyanneteweyî ra nata Îşkence û tecrîdê Îmralîyî bi hemkarîya weletanê Ewropa yenê reyraberdene. Coka Nobeta Azadîye muhîm a. Kurdî bii na çalakîye komplokeran teşhîr kenê û dirîyîya nê welatanê ke îdîa kenê ke ê demokrasî û heqanê merdiman pawenê, vejena binate. Eke Ewropa heq û azadîyanê merdiman esas gena ganî helêke cuwa ver gamêke bierze û tecrîdê serê Rayber Apoyî bido wedaritene. Wina eşkena vera merdimîye û şarê kurdî wezîfeyê xo bîyaro ca. Şarê ma zî ganî zafêr wayîrê çalakîye vejîyo ke wa ser bikewo.''