Nobeta Azadîye  ya ke semedê azadîya fîzîkîye ya Rayberê Şarê Kurdî Abdullah Ocalanî  25ê hezîrana 2012yî de bajarê Strasbourgî yê Fransa de dîyaye destpêkerdene hewteyê 538. de dewam kena. Nobete no hewte hetê koma Kasselî ra ameye dewrgirewtene.

Vervatoxê kome Serhan Akadî ard ziwan ke 11 serrî yo verê Konseya Ewropa de nobete yena girewtene û vat: ''Dezgehê Ewropa vera tecrîdî xo kerr û lal kenê. CPTyî çend rojî verî Rayberê ma zîyaret kerd la rapor vila nêkerd. Ma nêeşkenê Rayberê xo ra xebere bigêrê. Ganî cianî wayîrê Nobeta Azadîye û Rayberê xo vejîyê.''

Leyla Kassel zî îfade kerd ke ê seba azadîya Rayberê Şarê Kurdî nobete de yê û vat: ''Ma pêro zanenê ke heta Rayberê ma azad nêbo ma nêeşkenê azad bibê. Rayberîye nika zîndan de ma ra zêdeyêr xo ver dano. Ganî kurdî tim tîya de biciwîyê. Ez hêvîdar a ke Nobeta Azadîye do azadîya şarê ma û yê Rayberîye bîyara. Azadbîyayîşê şarê kurdî yeno manaya azadîya pêro şaran. Çunkeparadîgmaya Rayberê ma seba şaranê bindestan a.''