5ê hezîrana 2012î ra nata verê Konseya Ewropa ya Strasbourgî de semedê azadîya Rayberê Şarê Kurdî Abdullah Ocalanî çalakîya Nobeta Azadîye yena kerdene. 

Nobeta Ocalanî rê Azadîye pê endamanê Meclîsê Cinîyan ê Ronahî hewteyê 493. de dewam kena. Kome de Alîye Ekîncî, Ronahî Denîz û Aysele Dogan ca gênê.

Alîye Ekîncî nameyê kome ser o qisey kerd û pare kerd ke Rayberê Şarê Kurdî 22 serrî yo tecrîdkerde yo. Alîye ard ziwan ke kurdî 10 serrî yo pê çalakîya xo tecrîdê Îmraliyî teşhîr kenê.

Alîye Ekîncî vat: ''Ma nêeşkenê Rayber Apoyî ra xeberêke bigêrê. Dezgehê Ewropa vera tecrîdî erk û wezîfeyê xo nêanê ca. Wa Ewropa cade seba azadîya Ocalabî têbigêra. Heta ke Rayberîya ma azad nêba ma sey cinîyan tim do meydanan de bibê.

Azadîya kurdan pê azadîya Rayberîye bena. Rayîrê çareserîya demokratîke Îmrali ra derbaz beno. Ganî şarê ma û dostê ma seba azadîya Rayber Apoyî çalakîyanê xo pîlêr bikerê.''