Nobeta Azadîye seba azadîya Rayberê Şarê Kurdî Abdullah Ocalanî 25ê hezîrana 2012î de hetê Înîsîyatîfê 'Ocalanî rê Azadîye' rê şaristanê Strasbourgî yê Fransa de dîyabî destpêkerdene. Nobeta Azadîye hewteyê 500. de bi qerardarî dewam kena.

No hewte şaristanê St. Gallenî yê  Swîsre ra koma kurdîstanijan nobete dewr girewte. Kome de kurdîstanijî Selman Demîrtok, Abîdîn Yilmaz, Emîn Uslu û Haci Yorulmaz ca gênê.

Nametê kome ser o Selman Demîrtaşî qisey kerd û pare kerd ke wextêko derg o ke Rayberê Şarê Kurdî ra xebere nêna girewtene. Demîrtokî ard ziwan ke tecrîdê vera Ocalanî sûcê vera merdimîye yo û vat: ''Tecrîd sulmê vera şaran o. Ganî cade CPT wezîfeyê xo bîyaro ca.''

Demîrtokî îfade kerd ke heta azadîya Rayberê Şarê Kurdî Abdullah Ocalanî bêra caardene ê do çalakîya xo rê bi qerardarî dewam bikerê û vat: ''Çalakîya ke 10 serrî bi qerardarî dewam kena îsbatê ney o.''