Merdimanê tepişteyanê nêweşan û tepişteyanê ke înfazê înan ameyo vêşnayene roja 357. ya Nobeta Edaletî de verê Zîndanê Amedî de eşkerayîyêke daye.

Çalakîye de dadîya tepişte Civan Boltano ke yew çim û baska ci çin ê, Nazîme Boltan qisey kerd û vat: ''Serrêk a ma gêrenê edaletî û heta peynî ma do bigêrê ci. Ez musaya ke pê domanê min ê neweşî kitabî dîyayê kiriştene, lajê mi ameyo derbkerdene. Eke heq û huqûq est bîyêne domananê ma no zulm nêdîyêne. Têkoşînê domananê ma do dewam bikero. Heta peynî ma paştî bidê domananê xo. Wa înfazî nêrê vêşnayene, tepişteyê nêweşî vera bidîyê.''

Çalakîye bi sloganan qedîyaye.