HDP do seba wekîlê xo Omer Faruk Gergerlîogluyî dest pê nobeta edaletî bikero. Gergerlîoglu rixmo ke derheqê ci de bira veradayîşî dîyaye hema zî tepişte yo.

HDP siba saete 11.00 de verê Zîndanê Sîncanî de do dest pê nobete bikero. HDPyî twitterî ra da zanayene ke Mehkemeya Qanûnê Bingeyî derheqê Gergerlîogluyî de bira veradayîşî daye la Gergerlîoglu hema zî tepişîyeno. HDPyî vat: ''Ma do vera canêardişê biranê Mehkemeya Qanûnê Bingeyî û Mehkemeya Heqanê Merdiman a Ewropa her ca de têkoşîn bikerê.''