Nobeta 'Seba Ocalanî Azadîye' ya ke her hewte hetê komêka kurdanê Ewropa ra yena girewtene verê bînaya Konseya Ewropa ya Strasbourgî de dewam kena. Çalakîkerê hewteyê vîyarteyî komêka eyaletê Sachsenî yê Almanya ra bî. Nobetdarê nê hewteyî zî komêka kurdistanîjan a şaristanê Stutgartî yê Almanya ra bî.

No hewte Kawa Kalan, Savaş Butkul, Huseyîn Tekîn û Şivan Rojava do nobedarî bibê. Nameyê kome ser o beyanatêk rayaumûmîye reyde ame parekerdene. Çalakîkeran bale ante seba kurdan girîngîya Ocalanî ser û vat ke çalakîya înan heta ke Ocalan azad bibo do dewam bika.

Çalakîkeran derheqê cuye û têkoşînê Ocalanî de rayaumûmîye xeberdar kenê. Komîteya amadekare ya çalakîye Zulfu Bîngolî zî vist vîrî ke kurdî her roje çalakîye kenê û na zî tesîrêkê pozîtîf dana dormeyî. Bingolî vat ke çalakîkerî bi broşur û vilawekan xîret kenê ke behsê Ocalanî bikê.