Şaristanê Strasbourgî yê Fransa de çalakîya ''Seba Ocalanî Azadîye'' ya ke verê bînaya Konseya Ewropa de yena kerdene hewteyê 387. de ya.

Nobetdarê nê hewteyî çar Kurdîstanijanê şaristanê Heilbronnî yê Almanya ra yê. Seyfettîn Guner, Awaz Daray, Sultane Ateş û Vesiye Tîkel do nê hewte vilawekan vila bikê û derheqê cinîyan û têkoşînê Ocalanî de rayaumûmîye reyde zanayîşî pare bikê.

Beyanatê koma çalakîkeran de ame vatene ke çalakîya ''Seba Ocalanî Azadîye'' do bi birredarîye dewam bika. Çalakîkeran îfade kerd ke şar do seba azadîya Rayberê Şarê Kurdî Ocalanî qet tawîz nêdo û no sere de xoverdayîşê Rojawanî xoverdayîşê her cayê Kurdîstanî de seba înan hêz o. Beyanatî de venga şarê kurdan ame dayene ke tevbigêro û hîşyarîye ameye kerdene ke eke seba azadîya Ocalanî erey bêro mendene seba şaran netîceyê giranî do bêrê meydan.

Çalakîye her hewte hetê komêka ke şaristananê cîyayan ê Ewropa ra yê ra yena kerdene.Çalakîye hewt serr û nême ra nat dewam kena û çalakîya tewr derge û bêmabêne ya kurdan a.