Amed, Mêrdîn û Wan de ewro zî çalakîyanê vera xespkerdişê şaredarîyanê HDP'yî dewam kerde. Çalakîyan de pîya bi qeyûman planê îşxalî yê îqtîdarî û  komploya 9'ê Teşrîna Verêne ameyî şermezarkerdene.

Amed

Çalakîya nobete ya Amedî de serê Cehdeyê Lîseyî de dewam kerde. Wekîlê HDP'yî, endamê meclîsê şaredarîye, aktîvîstê Têgêrayîşê Cinîyan ê Azadan, Mayê Haştîye, endamê Meclîsê Ciwanan û Cinîyan ê HDP'yî, îdarekarê rêxistina şaristanî yê Xarpêtî yê HDP'yî û zafê kesî tewrê çalakîye bîyî. Hemsereka Şaristanî ya Amedî ya HDP'yî Hulya Alokmen Uyanike çalakîye de qisey kerd û vat ke: "Serkewteyê şerî çin ê, la ê haştîye zaf ê. Ma seba şarê xo veng danê ke polîtîkayê şerî ra fek vera bidê û Birêz Ocalan reyde dest pê pêvînayîşanê zelalan bikê."

Merdîn

Nobeta Mêrdînî de pankarta "Îradeyê şarî nêno xespkerdene" ameye akerdene. Wekîlê HDP'yî yê Amedî Mûsa Farisogûllari û zafê kesî tewrê nobeta Mêrdînî bîyî. Çalakîye de kincê sîyayî ke seba ke komploya mîyanneteweyîye ser bale bêra antene, ameyî xoradayene. Farisogûllari, bale ante serê amadekarîya îşxalkerdişî yê Vakur û Rojakewtena Sûrîye û vat: "Ewro yew ra zêdêr dewletî nê polîtîkayo xirabî rê dewam keno. Serek û dewletî ke verê cû pê nê polîtîkayî tê gêrayî, çin bîyî û şîyî. Şar do reyna verba şerî vajê haştîye."

Wan

Nobeta Demokrasîyî ya Wanî verê bînaya Rêxistina Şaristanî ya Îpekyolu de dest pêkerde. Wekîlê HDP'yî, hemserekê şaredarîye, Mayê Haştîye û zafê kesî tewrê çalakîye bîyî. Wekîlê HDP'yî Murat Sarisaçî nobete de qisey kerd û wina va: "Birêz Ocalanî binê şertanê tecrîdî de seba ke şarê ma dej meanco çareyan ser o fikîrîyo. Birêz Ocalan pê paradîgmaya haştîye û demokrasîyîya ke merdimîye rê pêşkêş kerde, mojna ke o eşkeno bibe çare. Têna çîyêk esto ke bêro kerdene; ganî Birêz Ocalanî reyde muzakereyê zelal û akerdeyî bêrê destpêkerdene."