Çalakîya 'Nobeta Azadîye' ya seba Ocalanî ya ke şaristanê Strasbourgî yê Fransa de verê bînaya Konseya Ewropa de yena kerdene kewte hewteyê xo yê 393. Hewa çend serd bo zî nobetdarî qerardar ê ke heta azadîya Ocalanî çalakîya xo dewam bikê.

Nobetdarê nê hewteyî komêka 4 kesan a ke şaristananê Evry û Grigny ê Fransa ra yê. Adil Erkek, Alî Çîmen, Ferhat Dalmizrak û Koçer Aktar nonetdarê nê hewteyî yê.

Çalakîkerî seba azadîya Ocalanî raya umûmîye xeberdar kerde. Nameyê kome ser o Adil Erkek qisey kerd û vat: "Bêguman her keso ke tîya de nobetdar ê qesawetê înan esto. Çunke bi mengan o ke ma nêeşkenê Rayberê xo ra xebere bigêrê. Şarê kurdan pêro biqesawet ê. Rayberê Şarê Kurdî Abdullah Ocalan seba ma pêroyînan hêvî ya û ey qet menfatê xo yê şexsî nêfikiryayî. Ma venga pêro dezgehan danê ke wa bêrê tîya. Hînî tesîmîyet nêbeno. Dewleta tirke hînî her kesî tehdît kena. Rojêk seba ma zî roj do abikewo. O girîng no yo ke ma tewirê xo ra tawîz nêdê."

Çalakîkeran serra newîye ya her kesî fîraz kerd û seba her kesî haştîye û aramîye waştî.