Nobeta Azadîye ke rayberîya Înîsîyatîfê Ocalanî rê Azadîye de 25ê hezîrana 2012î de seba azadîya Rayberê Şarê Kurdî şaristanê Strasbourgî yê Fransa de dest pêkerde, serra 10. de dewam kena.

Nobeta Azadîye hewteyê 508. de ya. No hewte endamanê Cinîyan ê Ciwanan ê Têkoşeran (TÊKO-JIN) Şitîle Kaya, Zîlane Sertur, Azîma Acar û Sara Avaşîn nobete dewr girewte.

 Azîme Acar nameyê kome ser o eşkerayîyêke daye û vat: ''Seba azadîya Rayber Apoyî sey endamanê TÊKO-JIN ma çalakîya nê hewteyî dewr girewte.''

Azîme Acar verî Newroza her kesî fîraz kerde û vist vîrî ke Newroze roşanê xoverdayîş û ganîbîyayîşî yo û vat: ''Ma Newroza Rayber Apoyî û gerîlayan fîraz kenê. Azadîya ma cinîyan ê ciwanan bi azadîya Rayber Apoyî mumkîn a. Heta ke Rayberê ma azad bibo ma sey cinîyan do têkoşînê xo rê dewam bikerê. Çalakîya nobete heman wextî de temsilîya têkoşînê Rayberê ma ya.''

Azîme Acar venga şarê kurdî da ke tewrê têkoşînî bibo.