Wekîlê Partîya Çepa Sosyalîste Freddy André Øvstegårdî 18ê kanûna 2020î de tecrîdê serê Rayberê Şarê Kurdî Abdullah Ocana bi vernîyazê persî ard rojdemê parlamentoyî û waşt ke wa Wezîrê Karanê Teberî yê Norveçî Ine Eriksen Soreide vera tecrîdî têbigêro.

Wezîrê Karanê Teberî yê Norveçî Ine Eriksen Soreide bale ante binpaykerdişanê heqanê merdiman ê Tirkîya ser û vat: ''Tirkîya ke endama Konseya Ewropa ya ganî goreyê pêkerdişanê heqanê mediman ê Ewropa têbigêro.'' Soreide ard ziwan ke înan pêvînayîşê bi Tirkîya ê par û pêrar de no visto înan vîr û vat: ''Semedê pêvînayîşan destûr nêdayîşê avûkat û keyeyanê tepişteyan nîno qebulkerdene. ''

Soreide da zanayene ke seba ke Tirkîya de binpaykerdişê heqan zaf ê înan paştî daya dezgehanê komelê sîvîlî yê  Tirkîya yê ke semedê azadîya çapemenîye û îfade, seypêyîya cinî û camêrdî, pawitişê heqan û vera îşkenceyî mucadele kenê. Reyna vist vîrî ke Norveç paşt dano dezgehanê ke heqanê tepişteyan pawenê.

Soreide ard ziwan ke ê do seba ke Tirkîya goreyê pêkewtişan heqanê merdiman têbigêro xebatanê xo rê dewam bikerê û vat: ''Semedê hukmatî pawitişê heqanê Ocalanî û tepişteyanê bînan muhîm ê û Norveç do derheqê babetanê binpaykerdişê heqan de persanê xo rê dewam bikero.''