Semedê wedartişê tecrîdê serê Rayberê Şarê Kurdî Abdullah Ocalanî ewro Kurdîstan û Tirkîya de şar do ver bi Gemîlî rayra şiro. Wekîla HDPyî ya Şirnexî Nurane Îmîr derheqê Rayraşîyayîşê Pîlî yê Gemlîkî de ANFyî rê qisey kerd.

Îmîrî vist vîrî ke tecrîdîê Îmraliyî nika zînananê Tirkîya ra vila bîyo û vat: Her roje zîndanan ra cenazayî vejîyenê. Ma vînenê ke tecrîd têna pê îmraliyî sînordar nîyo, her warê cuya rê vila bîyo. Tecrîdê Îmraliyî vera heme kurdan yeno caardene. Haştîye yena tecrîdkerdene. Birêz Ocalan 23 serrî yo têkoşîn keno û îqtîdar bi xorîkerdişê tecrîdî wazeno  verê nê têkoşînê haştîye bigêro. Tena bi wedaritişê tecrîdî ma eşeknê nê kaosî ra bixelîsîyê. Nika konseptêko newe yê şerî fînayo dewre. Seba ke no konsept bêro caardene verê vengê haştîye Birêz Ocalanî şarî ra raqilnenê.

Bi taybetê AKPbadê vînîkerdişê vîjnayîşê 7ê hezîrana 2015î ra nata pîya bi MHPyî welatî bi polîtîkaya şerî îdare kenê. Nika beno ke yewna vîjnayîş nêzdî yo û konseptê şerî reyna dewre de yo. Bi tecrîd, zextê zînana, operasyonê teberê sînorî û hêrişanê vera partîya ma wazenê payra bimanê. Îqtîdaro ke hesabanê leyminan keno semedê payramendişî çîyo ke destê ci ra yeno keno.

Wextê çareserî de zî ame vînayene ke têna Birêz Ocalan eşkeno verê nê şerî bîgêro. Eke berê Îmraliyî bêrê akerdene Tirkîya eşkena nê kaosî ra vejîyo. Coka ganî avûkatê Birêz Ocalanî bieşkê ey bivînê û tecrîd bêro wedaritene. Cinîyê kurdî Birêz Ocalanî rê zaf çî  dêndar ê. Coka semedê azadîya ey ganî tewr zaf cinîyî têbigêrê. Camêrdî şer afernenê la cinîyî vera şerî vejîyenê û şeran danê vindarnayene. Wedartişê tecrîdê Îmraliyî do zextê serê ma cinîyan zî kêm bikero. konseptê şerî tewr zaf tesîrê cinîyan keno. Ma nê semedî ra do ver bi Gemlîkî rayra şirê. No rayraşîyayîşê heqîqetî yo, ma do çirey cameverdê.