Iraq de nêrazîbîyayîşê vera hêrişanê dewleta tirke ya îşxalkere yê serê Başûrê Kurdîstanî dewam kenê.

Serekkomarê Tirkîya Erdoganî îdîa kerdbi ke Bexdad paştî dano nê hêrişanê îşxalî la sere de Serekkomar Berhem Salihî xeylêk selahîyetdaranê Iraqî vera hêrişan nêrazîbîyayîşê xo mojna. Hukmatê Iraqî venga Sersefîrê Tirkîya da ke Tirkîya wa hêrişan vindarna.

Serekwezîrê verênî yê Iraqî Nûrî El Malîkîyî zî nêrazîbîyayîşê xo mojna û vat: ''Sey pêro iraqijan ez zî hêrişanê dewleta tirke şermezar kena. Hînî sebrê ma nêmendo. Bombarduman, kiştişê sivîlan û awankerdişê baregehanê tirkan rê sebrê ma nêmendo.''