Serekwekîlê Koma HDPyî Saruhan Oluçî derheqê gefanê qefilnayîşê HDPyî de ANFyî rê qisey kerd.

Oluçî bale ante vengdayîşê Devlet Bahçelîyî yê seba qefilnayîşê HDPyî ser û îfade kerd ke no vengdayîş polîtîkaya hempare ya blokê îqtîdarî ya.

Oluçî vat: ''Serekwekîlê koma AKPyî vanê 'Wa HDP bêro qefilnayene.' MHP zî bi heman hawayî pê nê vatişan wazeno nîjadperestîye geş bikero. Partîyê ma verî zî 5 reyî qefilîyayî la nê meseleya kurdan çareser nêkerde. Babeta sîyasetê demokratîkî de ma do tewrê xo yê qerardarî dewam bikerê, qet yew tawîz medê. Na polîtîkaya qefilnayîşî ma do xurtêr bikera. Ma venga îqtîdar û mehkemeyan danê ke pê eqlêkê selîmî têbigêrê. AKP û MHP wazenê sîyasetê demokratîkî bixeniqnê. HDP eşkeno atmosferê sîyasî yê Tirkîya bivurno. Pê qefilnayîşê partî ma do sîyasetî ra dûrî nêkewê. Ma do nêverdê ke qarê sîyasetê demokratîkî tasfîye bibo. ê eşkenê îdarekar û qedroyanê partîya ma bitepişê la qadroyê ciwanî pêl bi pêl yenê. HDP dikanêke nîya ke berê ci bêro kilîtkerdene, HDP têgêrayîşêko pîl ê şarî yo.''