Vera peymana Hewlêr-Bexdadî ya serê Şingalî  nêrazîbîyayîşî dewam kena.Wekîlê HDPyî yê Riha Omer Ocalanî derheqê babete de ANFyî rê qisey kerd. 

Omer Ocalanî qirkerdişê êzidîyan vist vîrî û vat: ''Ganî Iraq, Hukmatê Federale û rayaumûmîye biewnê fermanê 2014î û wina mesele biercnê. Têgêrayîşê Azadîye o çax Şingal destê DAÎŞî ra xelisna. O çax Mesûd Barzanî şibî gerîlayî fîraz kerdbi la nika îşxalkeran reyde bîyo yew û Şngal dano bombayan ver. Hukmatê Iraqî wazeno bi peymane Kurdîstan îşxal bikero coka kurdî na peymane qebul nêkenê. Şingalî nika sîstemê xo yê îdarekerdiş û pawitişî awan kerdî. No heqê meşrû yê êzidîyan o. Êzidîyî eşkenê xo bipawê. Ganî her kes hûrmet bimojno naye. ''

Omer Ocalanî bale ante çalakîyanê Başûrî ser û vat: ''Herêma Kurdîstanî bi polîtîkayanê şaşan yeno îdarekerdene. Ganî Hukmatê Başûrî goş bido hemwelatîyan ser û polîtîkaya xo ya bazirganîye ra fek vera bidê. Wextêkî ra nata zî seba yewîya kurdan xîretî estê. Ganî PDK zî tewrê nê xîretan bikero û hemkarîya îşxalkeran nêkero. Qet yew kurd birakujî nêwazeno.No şer têna do zerar bido kurdan. Çar parçeyanê Kurdîstanî de kurdî seba yewîye amade yê.''