Paytextê Norveçî Oslo û bajarê Marsilya yê Fransa de vizêr hêrişê kîmyewîyî yê dewleta tirke yê vera Gerîlayanê Azadîye yê Kurdîstanî ameyî şermezarkerdene.

Oslo de çalakwananê ke kincê sipîyî dayî  xo ra pê pankart û sloganan verê îstasyonê trenan ê merkezê bajarî ra heta verê parlamentoyî rayra şîyî, vilawekî vila kerdî û bale ante hêrişanê kîmyewîyan û bêvengîya Ewropa ser.

Marsilya de zî verê Temsîlkarîya Parlamentoyê Ewropa de hêrişê kîmyewîyî yê dewleta tirke yê vera Kurdîstanî ameyî şermezarkerdene. Çalakîye veng dîya Yewîya Ewropa û Neteweyanê Yewîbîyayeyan ke wa derheqê hêrişanê çekanê qedexeyan cigêrayîş bêro kerdene.