Osmanîye û Mereşî de bi desan kesî kewtî grevê vêşanîye

Zindananê Osmanîye û Mereşî de bi desan kesî vera şert û mercanê vera merdimîye kewtî grevê vêşanîye.

Zindanê Tîpê Yyî yê Hûmara 2. ê Osmanîye de 30 tepişteyî  vera kerdişanê xiraban û binpaykerdişanê heqanê merdiman 12ê teşrîna peyêne de dest pê grevê vêşanîye kerd.

Grevê vêşanîye yo bêmabên û bêagêrayîşî roja 16. de yo. Ame parekerdene ke îdareyê zindanî hema zî waştişê tepişteyan qebul nêkerdî. Tepişteyî îfade kenê ke heta waştişê înan bêrê ca ê do çalakîya xo dewam bikê. Tepişteyê ke grevê vêşanîye kenê:Mehmet Selim Suer, Mehmet Goz, Sabahattin Karasu, Nevaz Sakçak, Suleyman Saçal, Candan Yen, Zenar Demîr, Abdullah Uçar, Kasım Balta, Sedat Karak, Adem Amaç, Mehmet Kazici, Mehmet Kilinç, Mîkail Pelît, Abdullah Topaloğlu, Mehmet Emîn Dal, Recep Yel, Akar Îkbal, Veysi Baltaş, Mehmet îpek, Hasan Muhammet Îbîş, Yildirim Kiş, Baver Başaran ve Halîl Îbrahîm Karataş. Zîndanê Tîpê Tyî yê Hûmara 1. û 2. ê Turkogluyî yê Mereşî de zî çar tepişteyî vera hûmritişê bi şeklê leşkerî hewteyêkî ra nat grevê vêşanîye de yê.