Endama Heyetê Rayberdişê Merkezî yê HDPyî Sultane Ozcan derheqê Îtîfaqê Kede û Azadîye de ANFyî rê qisey kerd.

Ozcane dîyar kerd ke îtîfaqê înan îtîfaqanê bînan ra cîya yo û vat: ''Îtîfaqê Kede û Azadîye vengdayîşê HDPyî ser o ameyo awankerdene û no îtîfaq têna têgêrayîşêkê masa nîyo. Îtîfaqê ma vengê bêvengan, mexdûran, înkarbîyayeyan, îdîaya demokrasî yo. Mutefîqê ma vera nîjadperestî, mîlîtarîzm û seksîzm ê, vera xespanê xoza, kede û demokrasî yê. Ma do 24ê êlule de Îstanbul de metnê xo yê hemparî eşkera bikerê. Dima zî ma do seba asayîşê weçînayîşî, awanbîyayîşê komara demokratîke pîya bixebitê. Têkoşînê ma yew o, seyci yo.''

Ozcane bale ante xeta sîyasî ya HDPyî û tecrubeyanê ci yê têkoşînî ser û vat: ''Ma wayîrê mîrasêkê pîlî yê. Ma seke vizêrî xo ver da, sey HDPyî û hemrayanê xo yê têkoşînî do pêro hemleyanê zûran, tersnayîş û milardişî yê îqtîdarî ser bikewê.''