Hemsereka HDPyî ya Anqara Pakîze Sînemîllîoglu derheqê bernameyê înan ê Roja Haştîye ya Dinya ya 1ê Êlule de ANFyî rê qisey kerd.

Hemsereke Pakîze vist vîrî ke cînayetê cinîyan zêdîyayî, krîzo ekonomîk bîyo giranêr, bêkarîye vila bîyo û vera HDPyî Dewaya Kumpasî ya Kobanê dewam kena. Hemsereke Pakîze ard ziwan ke ê nê prosesî de Roja Haştîye ya 1ê Êlule fîraz bikerê û vat: ''Sûrîye de seba ke kurdî, êzidîyî û şarê bînî azad nêbê şer dewam keno. Şer de bara her kesî est a û her kes şer de menfaetê xo vîneno. Meseleya ma ya tewr pîle şer o.

Şer sebebê pêro feqîrî, neheqî, sefaletan o. Ganî ma têkoşînê haştîye bikerê. Tirkîya de yew roje de 3-5 cinîyî yenê qetilkerdene. Tewr zaf cinî û domanî hewceyê haştîye yê. Partîya ma ra ber pêro partîyî wayîrê ziwanê şerî yê. Îqtîdarê AKP-MHPyî yo faşîst pê şerî pîzeyê xo keno de. Çunke îqtîdar zaneno ke eke haştîye bêra o do heseb bido. Ma seba her kesî cuya azade û têdûşte wazenê. Edalet do her kesî rê lazim bibo.''

Pakîze Sînemîllîoglu pare kerd ke Roja Haştîye ya Dinya ya 1ê Êlule de saete 17.00-17.00 de ê do Parka Anitparkî de bibê.