Hêrişanê îşxalî û sucanê merdimîye yê Dewleta Tirkan ê vera Rojawanî ra dima nika zî radyoyê Dengê Welat zî bi mexdûrê hêrişanê rejîmê Tirkan.

Gore rîpelê Media-radio-infoyî, îstasyonêkê muzîkî yo ke 'kifş' nîyo, bi nameyê 'Radio Recep Erdoganî' xîret keno ke weşanê Dengê Welat vindarno. Gore doneyanê antenanê radyoyî,  pêlê radyoyî merkezêkê TRTyî ra yenê erşawitene ke weşanê Dengê Welat vindarnê. Yeno vatene ke TRT seba ke radyoyê Dengê Welat mîyan ra vîndî biko qasê 500 kw hêz xebitneno. Radyoyê Dengê Welat zî qasê 250 kw hêz xebitneno ke îstasyonê Îssoudunî yê Fransa ra gêno. Radyoyê Dengê Welat 3 serrî yo ke bi dîyalektanê Kurdkî weşan keno. Verê cû zî radyoyê Dengê Mezopotamya û Dengê Kurdistan zî rîyê tedaya ke rejîmê Tirkan Ewropa rê kerda ra amebî girewtene.