Paris de Merkezê Komelê Demokratîkî yê Kurdan de rayberîya Komîteya Keyeyanê Şehîdan û TJK-Fyî de bi merasîmêkî şehîd Îrfan Guler (Adil Ûrfa) û şehîd Saît Uçlu (Ferat Pîr) ameyî yadkerdene ke Rojawan de nêweşîye ra semed şehîd bîyî.

Merasîmî bi deqayêkê rêzgirewtişî dest pêkerd. Dima nameyê Komîteya Keyeyanê Şehîdan ser o Dayîka Telîye qisey kerd û vist vîrî le Guler û Uçlu semedê nuştişê romanê têgêrayîşê azadîye şîbî Rojawan û uca de şehîd bîyî. 

Dima Guneşe Arduç qisey kerd û ard ziwan ke Gulerî û Uçluyî felsefeya PKKyî û Abdullah Ocalanî hol fam kerdbî û ê do têkoşînê înan rê dewam bikerê.

Keso ke Guler û Uçluyî reyde 3 serrî heman zîndanî de mendo zî merasîm de qisey kerd û pare kerd ke wird şehîdan teber û zîndan de têkoşînêko pîl kerdo û vat: ''Şexsê pêro şehîdan de ma soz danê wurdînan ke do Rayberîya azade û Kurdîstanê azadî awan bikerê.''

Merasîm pê mojnayîşê sînevîzyonî qedîya.