Paytexê Fransa Paris de vera Merkezê Kulturê Kurdan  hêrişo çekdar ame kerdene, şehîd û birîndarî est ê.

Goreyê zanayîşanê ke ameyî girewtene komela ke Taxa Strasbourg Saint Denisî de ya ratşê hêrişî ameye. Goreyê şahîdan kesêko pê otomobîle ke ame kuçeyê komele guleyî kerdî komele ser ra. Hêrişkarê eynî kuçe de hêrişê yew restorantê kurdan û koaforî zî kerd.

Goreyê xeberanê medyaya Fransa ke çimeyanê polîsan ra girewtî,di kesan dinyaya xo bedilnaye û  çar kesî birîndar bîyî ke rewşa di kesan giran a.

Polîsan dormeyê komele girewt û destur nêdano kes şiro zere. Komele ra xebere nîna girewtene.

Goreyê AFPyî çimeyêkê polsîan vato hêrişkar ameyo tepiştene û kesêko 60 serre yo. Şahîdêkî vat tewr tay 7 û 8 rey çeke ameye teqnayene.

9ê çeleyê 2013yî de hîrê cinîyê kurdê yê şorişgêrî Paris de ameybî qetilkerdene. No hêriş zî raştê verê serrgêra 10. ya nê hêrişî ame.