Paytextê Fransa Paris de çarçewaya hemleya ''Rayber Apoyî rê azadîye, meseleya kurdan rê çareserîya demokratîke'' de  19ê teşrîna verêne de do konserê ''Rayber Apoyî rê Azadîye'' bêro kerdene. Vengdayîşê semedê tewrbîyayîşê konserî dewam kenê.

Eşkerayîya nuştekîye de ya ke derheqê konserî de ameye dayene nê ameyî vatene: ''Nê konserî de têkoşîno tradîsyonel û klamê modernî do pêbişîyê, şîarê azadîye bibo enternasyonal, vengê bibê slogan û têhetameyîş biaçarîyo paştdayîşî. Muzîko modern ê fransizî û Mouss û Hakimi do raywanîya waranê xoverdayîşî yê Rojhelatê Mîyanênî de şima rê embazîye bikero.Vengo weş yê Rodolphe Burger, Sofiane Saidi, Mehdi Haddabî, bi tewirê xo yê qerardarî Firmesk û hunermendê têkoşînê 50 serran ke çirey nêqefilîyenê Hozan Comerd, Xelîl Xemgîn, Hekim Sefkan do konserêkê bêhempa bidê. Ma 19ê teşrîna verêne ya 2024î roja şemeyî saete 16:00 de Paris Montreuil Expo de do semedê azadîye biqîrê.''