Rayberîya Komîsyonê Keyeyanê Şehîdan û Meclîsê Cinîyan ê Zîne yê Drancyê Parisî yê Fransa de de keyeyê şehîdan aktîvîteyêke de ameyî yewca. Aktîvîte de fotografê Rayberê Şarê Kurdî Abdullah ocalanî û pankarta bi nuşteyê 'Şehîdê ma rûmetê ma yê, şehîdî nêmirenê' ameye akerdene.

Aktîvîte de nameyê Dezgehê Keyeyanê Şehîdan ser o Celîl Akdogan, dayîke Tellîye û nameyê TJK-E ser o Nupele Munzur qisey kerd.

Dayîke Tellîye vat: ''Domanê ma pê çeka kîmyewîye yenê qirkerdene. Ma nêeşkenê cayê xo de  rehet  ronişê. Caardişê xeyalanê înan wezîfeyê ma yo verên o.''

Nupele Munzur vat: ''PKK partîya şehîdan a. Rayber Apoyî û PKKyî manayêke daye şehîdan. PKKyî ruho xoverdayox aferna. Ma do nê ruhî teqîb bikerê. Ma soz danê ke hesabê Qirkerdişê Parisî bipersê. Roje a roj a ke ma dormeyê şehîdan de bibê yew, dormeyê azadîya Rayberê Şarê Kurdî de bibê çember û têkoşînî berz bikerê.''