Paytextê Fransa Paris de şehîde Ronahî Tamara (Aynûr Ulugana) ameye yadkerdene. Şaristanê Bordeauxî yê Fransa de zî semedê şehîdanê 14ê Temmuze ra Mehmet Hayrî Durmuşî aktîvîteyêke ameye kerdene û şehîdî Savûşka Devrîm (Yasemîn Yanar) û Egîd Zagros  ameyî yadkerdene.

Bordeaux de merasîmê yadkerdişî  pê deqayêkê rêzgirewtişî dest pêkerd. Dadî û babîyê Savûşka Devrîm û merdimê Egîd Zagrosî zî tewrê merasîmî bîyî. Qiseykerdişan de ame parekerdene ke tek hedefê kurdan layîqbîyayîşê şehîdan û servistişê têkoşînê înan o.

Paytextê Fransa Paris de rayberîya TJK-F û Komîteya Keyeyanê Şehîdan de semedê yadkerdişê Ronahî Tamara merasîmêk ame kerdene. Qiseykerdişan de ame vatene ke êyê weşî deyndarê şehîdan ê. Merasîm de Ronahî Tamara ser o sînevîzyonêk ame mojnayene û merasîm pê sloganê 'Şehîdî nêmirenî' qedîya.