Paytextê Fransa Paris û paytextê Ingilistanî London de endamanê Têgêrayîşê Ciwanan ê Şorişgêran (TCŞ) û endamanê Cinîyan ê Ciwanan ê Şorişgêran (TekoJIN) tecrîdê serê Rayberê Şarê Kurdî Abdullah Ocalanî şermezar kerd.

Paris de ciwanan çarçewaya Hemleya ''Dem Demê Azadîye yo'' de çalakîya bêîteatîya sîvîle kerde. Ciwanan Villiers Le Bel de hendê 15 deqeyan rayîr trafîkî rê qefilna û bale ante tecrîd û çekanê kîyewîyanê ke dewleta tirke vera gerîlayan şuxulnena ser. 

London de zî ciwanan çarçewa Hemleya ''Werin Cenga Azadîyê'' de vilawekî vila kerdî û bale ante tecrîdê Îmrliyî ser. Ciwanan vat çalakîyê înan heta serkewtişî do dewam bikerê.