Ciwananê kurdan şaristanê Parisî yê Fransa û şaristanê Luzernî yê Swîsre de  azadîya Rayberê Şarê Kurdî Abdullah Ocalanî waşte.

Paris de ciwanan serkêşîya TCŞyî û çarçewa 'Werin Cenga Azadiyê' de rayraşîyayîşê bi meşaleyan kerd. Çalakîye de sloganê 'Ocalanî rê Azadîye' ame vatene. Rayraşîyayîşî ra dima ciwanan eşkerayîye daye û venga her kesî da ke bi xurtî Newroza 20ê Adare ya Parisî bibo.

Luzern de çarçewa Hemleya 'Werin Cenga Azadiyê' de vera tecrîdê Îmraliyî ciwanan çalakîyêke kerde. Çalakîye de eşkerayîye ameye wendene û sloganî ameyî berzkerdene. Ciwanan venga her kesî da ke tewrê şayîya Newroze bibo. Ciwanan dima deyîran reyde govende girewte.